شیخ رشید نے اپنے بیان سے ’یوٹرن‘ لے لیا

وزیر ریلوے شیخ رشید نے وزیراعظم عمران خان کی طرف سے وزیر اطلاعات بننے کی آفرسے متعلق اپنے بیان سے یوٹرن لے لیا۔

’وزیراعظم نے مجھے وزارت اطلاعات آنے کی دعوت دی‘

وزیر ریلوے شیخ رشید نے دعویٰ کیا ہے کہ وزیراعظم...

شیخ رشید نے پریس کانفرنس میں دعویٰ کیا تھا کہ وزیر اعظم مجھے وزارت اطلاعات دینا چاہتے ہیں،اپنے بیان کی وضاحت کرتے ہوئے انہوں نے کہا کہ فواد چوہدری میرا بھائی ہے وہی وزیر اطلاعات رہے گا۔

ان کا کہنا تھا کہ آپس کی باتیں تھیں وہ بھی لوگ ریکارڈ کرلیتے ہیں، دنیا ادھر کی ادھر ہوجائے فوادچوہدری کے خلاف سازش میں شامل نہیں ہوں گا۔

شیخ رشید نے کہا کہ میرا وزیر اطلاعات بننے کا کوئی شوق نہیں، ریلوے میں بہت خوش ہوں،اسی میں کارکردگی دکھاؤں گا۔

انہوں نے مزید کہا کہ فواد چوہدری کو فون پر کہا کہ حالات ایسے ہیں، آپ کی بہت ضرورت ہے، وطن واپس آجائیں، دنیا ادھر کی ادھر ہوسکتی ہے میں وزیر اطلاعات بننے کا سوچ بھی نہیں سکتا۔

وزیر ریلوے نے کہا کہ فواد چوہدری انتھک محنتی ہے،کوئی سوچے بھی نہیں کہ میں وزیراطلاعات کے خلاف ہوں،یا اس کی جگہ لے سکتا ہوں۔

شیخ رشید کا یہ بھی کہنا تھا کہ فواد چوہدری بہترین وزیراطلاعات ہیں، ان کا سپورٹر ہوں،ساتھ کھڑا ہوں،پکنک کی بات مذاق میں کہی تھی۔

’شیخ رشید کے لئے وزارت چھوڑنے کیلئے تیار ہوں‘

وزیراطلاعات و نشریات فواد چوہدری نے کہا ہے کہ شیخ...

’ فواد چوہدری کی کارکردگی سے وزیراعظم مطمئن ہیں‘

وزیراعظم کے معاون خصوصی افتخار درانی نے کہا ہے کہ...

وزیر اطلاعات فواد چوہدری نے شیخ رشید کو وزارت اطلاعات سونپنے سے متعلق بیان پر وزیر ریلوے کےلئے  اپنی وزارت چھوڑنے کی پیشکش کی۔

دوسری طرف وزیراعظم کے معاون خصوصی افتخار درانی نے ایک بیان میں کہا کہ عمران خان وزیراطلاعات فواد چوہدری کی کارکردگی سے مطمئن ہیں۔