اسلام آباد (خصوصی رپورٹ) ڈسٹرکٹ بار ایسوسی ایشن کے صدر ریاست علی آزاد نے بار کے انتخابات 2019-20 کیلئے 3رکنی الیکشن کمیٹی کا اعلان کر دیا ۔ پیر کو ریاست علی آزاد کی جانب سے جاری نوٹیفکیشن کے مطابق ڈسٹرکٹ بار ایسوسی کے سالانہ انتخابات 2019-20 کیلئے نوید حیات ملک ایڈووکیٹ کی سربراہی میں 3رکنی الیکشن کمیٹی تشکیل دے دی گئی ہے ، چوہدری آصف عرفان ایڈووکیٹ اور ہما طارق ایڈووکیٹ کمیٹی کے ممبر ہونگے ۔ ڈسٹرکٹ بار ایسوسی ایشن کے انتخابات جنوری کے دوسرے ہفتے میں ہوں گے ۔