• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

لندن انڈر گرائونڈ ورکرز باکسنگ ڈے پر ہڑتال کریں گے

آج کا اخبار
یورپ سے
14 دسمبر ، 2018
لندن (پی اے ) لندن انڈر گرائونڈ ورکرز باکسنگ ڈے پر ہڑتال کریں گے۔ یہ ہڑتال سٹافنگ کے تنازع پر کی جا رہی ہے۔ ٹیوب بیکرلو لائن پر ریل میری ٹائم اینڈ ٹرانسپورٹ یونین کے ارکان 26دسمبر کو صبح 5 بجے رات 11 بجے تک ہڑتال کریں گے اور پھر 13جنوری کو 24 گھنٹے کی ہڑتال کی جائے گی۔ آر ایم ٹی یونین کے جنرل سیکریٹری مک کیش نے کہا کہ آر ایم ٹی کےارکان یبکرلو لائن پر سٹافنگ کی سطح پر انتہائی ناراض اور مشتعل ہیں اور ان کا اشتعال درست ہے ۔ اس لائن پر اس صورت حال سے سٹاف اور مسافروں دونوں کو شدید خطرات لاحق ہیں۔ سٹافنگ میں بہتری کے پرانے وعدوں کو ہوامیں اڑا دیا گیا ہے انہوں نے کہا کہ ہم کمپنی سے مطالبہ کرتے ہیں کہ وہ اس مسئلے کو سنجیدگی کے ساتھ حل کرے انہوں نے کہا کہ ہمارے پاس مطالبات کو منوانے کیلئے اس کے سوا کوئی اور آپشن نہیں ہے۔ ہم نے اس سلسلے میں ہڑتال کے پروگرام کا اعلان کر دیا ہے ۔ انہوںنے کہا کہ یونین سنجیدہ مذاکرات کیلئے موجود ہے۔ لندن انڈر گرائونڈ کے ڈائریکٹر فار کسٹمر سروس برائن وڈ ہیڈ نے کہا کہ ورکرز کا یہ ایکشن انتہائی غیر منصفانہ اور بلا جواز ہے ۔ہم اپنے تمام وعدوں پر قائم ہیں اور عملدرآمد کریں گے۔ ہم نے پورے نیٹ ورک میں سٹافنگ کی تعداد کو بہتر بنایا ہے اور یونین کے ساتھ حال ہی میں کیے جانے والے ایگریمنٹ کی پاسداری کی ہے ۔ ہم ورکرز پر زور دیتے ہیں کہ وہ اپنا ہڑتال کا ایکش واپس لیں جس کی وجہ سے فیسٹیو پیریڈکےدوران عوام کیلئے غیر ضروری سفری مشکلات اور تعطل پیدا ہوگا ۔ انہوں کہا کہ ہمارے ساتھ اس تنازع کو ہڑتال کے اقدام کے بغیر طے کرنے کیلئے کام کریں ۔ 
تازہ ترین