• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پہلے مرحلے میں272 اساتذہ کے تبادلے ،سابق سی ای او اشفاق گجر سینئر سبجیکٹ سپیشلسٹ ملتان تعینات

میرا شہر
ملتان
15 دسمبر ، 2018
ملتان ( سٹاف رپورٹر) محکمہ تعلیم سکولز ملتان نے اساتذہ کے تبادلوں کے سلسلے میں پہلے مرحلے میں272 پی ایس ٹی اور ای ایس ٹی مردو خواتین اساتذہ کے تبادلے کر دئیے ہیں،معلوم ہواہے کہ پی ایس ٹی مردانہ 51‘پی ایس ٹی زنانہ 129‘ای ایس ٹی مردانہ 42اورای ایس ٹی زنانہ50اساتذہ کے تبادلے کے گئے ہیں،سابق سی ای او اشفاق گجر کو سینئر سبجیکٹ سپیشلسٹ ٹیچر کے طور پر ملتان میں تعینات کردیا گیا، بتایا گیاہے کہ سابق سی ای او ایجوکیشن ملتان ، ڈیرہ غازی خان اشفاق گجر کو کمپری ہنسو سکول میں ٹرپل ایس تعینات کردیا گیا جبکہ راجن پور کے سابق سی ای او مقبول احمد کو ہائی سکول دنیا پور لودھراں میں پرنسپل،گورنمنٹ گرلز مسلم ہائی سکول ملتان کی سابق پرنسپل مسز زاہدہ پروین کو گرلز ہائی سکول بستی نو میں پرنسپل جبکہ سینئر ہیڈ ماسٹر خاور نور کو سیکرٹری سکولز پنجاب کو رپورٹ کرنے کی ہدایت کی گئی ہے ۔
تازہ ترین