ریڈ کارپٹ کے لیے سیلیبرٹیز کی تیاری

آسکر ہو یا فلم فیئر ایوارڈ یا پھر کانزفلم فیسٹیول، اداکار ہی نہیں بلکہ صداکار، ٹیکنیشنزا ور اس شعبے سے وابستہ دیگر افراد، سب ہی ریڈ کارپٹ پر جلوے بکھیرنے کی شدو مد سے تیاری کرتے ہیں۔ ریڈکاپٹ کیلئے تو ہالی ووڈ سیلیبرٹیز خصوصی جیولری کے آرڈرز دیتی ہیں اور بڑے بڑے برانڈ ان کے لیے خوبصورت زیورات کی تیاری میں لگ جاتے ہیں۔ زیورات کے انتخاب میں صنف نازک انتہائی محتاط نظر آتی ہے اور جب بات ہو آسکر میلے میں شرکت کرنے والی حسیناؤں کی، تو پھر جیولری کی اہمیت اور بھی بڑھ جاتی ہے۔ کوئی ڈائمنڈ نیکلس گلے میں سجائے نظر آتی ہے تو کوئی ہاتھو ں میں بریسلٹ پہنے۔ اس کے علاوہ قیمتی جیولری میں پلاٹینیم اور سونے جیسی دھاتوں کے علاوہ نہایت قیمتی پتھر اور دیگر دھاتیں بھی شامل ہوتی ہیں۔

لالی ووڈ اسٹار ماہرہ خان بھی بین الاقوامی فلمی میلے 'کانزمیں انٹری دے چکی ہیں اورریڈ کارپٹ پر جلوے بکھیر کر انھوں نے سب کو اپنی جانب متوجہ کیا۔ جبکہ اس سے پہلے اداکارہ ایشوریہ رائے بچن نے کانز فلم فیسٹیول2016ء کے ریڈ کارپٹ پر سنہرے رنگ کے مرمریں لباس میں شرکت کی، جس میں وہ نہایت دلکش نظر آئیں۔ ریڈ کارپٹ پر پہنا گیا ان کا یہ لباس لبنانی ڈیزائنر علی یونس کا بنایا ہوا تھا۔ کانز فلم فیسٹیول کے ریڈ کارپٹ پر ایشوریہ کئی سال سے جلوہ گر ہورہی ہیں۔ سب سے پہلے اپنی فلم ’دیوداس ‘ کی تشہیر کیلئے انہوںنے اس فیسٹیول میں شرکت کی تھی۔

کیٹ بلانچٹ

ہالی وڈ اسٹار کیٹ بلانچٹ نے مشہور ڈیزائنر کا ڈیزائن کردہ لباس پہنا،جس کی مالیت تقریبا ًایک لاکھ ڈالرز تھی۔ لباس سے میچ کرتی جیولری کے لئے کیٹ نے 18 ملین ڈالرز خرچ کئے اور یوں ان کے لباس اور جیولری پر کل ملا کر 18.1ملین ڈالرز کا خرچہ آیا تھا۔

چارلیز تھرون

چارلیز تھرون شہرہ آفاق فیشن ڈیزائنر کرسٹیان ڈی یورکا 90 ہزارڈالرز کا لباس پہن چکی ہیں جبکہ ان کی جیولری کی قیمت 15.8 ملین ڈالرز تھی۔ چارلیز تھرون نے ریڈ کارپٹ کی ایک شام کے لئے مجموعی طور پر 15.89ملین ڈالرز خرچ کرڈالےتھے۔

جینیفر گارنر

جینیفر گارنر اپنے لباس پر آسکر ریڈ کارپٹ کے لئے 25 ہزار ڈالرز خرچ کر چکی ہیں۔ ان کے زیورات کی قیمت 5ملین ڈالرز تھی اور یوں انہوں نے مجموعی طور5.02 ملین ڈالرز کا خرچہ کرڈالا۔

سینڈرا بلوک

سینڈرا بلاک کا فیشن ہر دور میں عام لوگوں میں مقبولیت حاصل کرتا آیا ہے۔ ایک مرتبہ انہوں نے بھی منفرد نظر آنے کے لئے الیگزینڈر میکوئن کا تیارکردہ لباس پہن کر ریڈ کارپٹ کو جگمگایا، جس کی تیاری پر40ہزار ڈالرزلاگت آئی۔ سینڈرا کے زیورات کی قیمت 8.2ملین ڈالرز تھی۔

جینیفر لارنس

جینیفر لارنس نے بھی سیلیبرٹیز کی بھیڑ میں منفرد نظرآنے کے لئے کرسٹیان ڈی یور کا ڈیزائن کردہ80 ہزار ڈالرز کا لباس پہنا جبکہ جیولری پر انہوں نے 3.5 ملین ڈالرز کا خرچہ کیا۔ کل ملا کر جینیفر لارنس نے 3.58 ملین ڈالرز خرچ کئے۔

ایمی ایڈمز