بے نظیر بھٹوکے فلسفے پر عمل کرتے رہیں گے،آصف زرداری

آج کا اخبار

اہم خبریں

27 دسمبر ، 2018

اسلام آباد(نمائندہ جنگ‘آئی این پی)پیپلز پارٹی کےشریک چیئرمین آصف علی زرداری نے بینظیر بھٹو شہید کے یوم شہادت کے موقع پر انہیں خراج عقیدت پیش کرتے ہوئے اس عزم کی تجدید کی ہے کہ آئین، جمہوریت اور انسانی آزادی کیلئےان کے فلسفہ پر عمل کرتے رہیں گے، اپنے پیغام میں آصف زرداری نے کہا کہ کہ شدت پسندی اور دہشت گردی کے خلاف ہماری جدوجہد جاری رہے گی۔دریں اثناءایک ٹی وی پروگرام میں گفتگو کرتے ہوئے آصف زرداری نے کہاہے کہ جے آئی ٹی کو کون سنجیدہ لیتا ہے‘ جے آئی ٹی نے رپورٹ میں ہمارا موقف شامل نہیں کیا‘پارٹی کے سیکرِٹری جنرل نیر حسین بخاری نےاپنے بیان میں کہا ہے کہ بے نظیر بھٹو کی شہادت پاکستان کے روشن مستقبل کا قتل ہے۔دریں اثناءپیپلز پارٹی کے سینئر رہنما خورشید احمد شاہ نے کہا ہے کہ جمہوریت کیلئے بھٹو خاندان کی خدمات کو پیشہ یاد رکھا جائے گا۔

تازہ ترین