• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

شیخ رشید احمد اور راناثناءاللہ کے درمیان نازیبا الفاظ کا مقابلہ

آج کا اخبار
اہم خبریں
28 دسمبر ، 2018
کراچی (ٹی وی رپورٹ)شیخ رشید اور راناثناءاللہ کے درمیان نازیبا الفاظ کا مقابلہ ہوا ہے،وزیر ریلوے شیخ رشید احمد نے پریس کانفرنس میں رانا ثنااللہ سے متعلق سوال پر کہا کہ رانا ثنا بدبودار آدمی ہے ، ان سے متعلق بات کرنا ہوتو مجھے بتایا کریں میں رومال لے کر آیا کروں گا،مالشیے لوگوں کو سمجھ نہیں میں کیا کہتا ہوں۔شيخ رشید کے الزامات پر ردعمل دیتے ہوئے رانا ثناءاللہ نے کہا کہ شیخ رشید نے ہر عزت دار شخص کو ڈسا ہے یہ جس کے ساتھ رہا بعد میں اس کے خلاف گھٹیا گفت گو کی۔انہوں نے کہا کہ شیخ رشید نے ساری زندگی ڈکٹیٹروں کے تلوے چاٹ کر سیاست کی،گھٹیا گفت گو کرے گا تو ایسا ہی جواب ملے گا۔لیگی رہنما کا کہنا تھا کہ شیخ رشید کو تکلیف ہوتی ہے تو اپنی زبان کنٹرول کرے، ہم کب تک خاموش رہیں گے ، اپنے حلقے میں جاتے ہیں تو لوگوں کا تقاضا ہوتا ہے کہ اسے جواب دیں۔ 
تازہ ترین