• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بحریہ ٹائون لاہور اور راولپنڈی میں نئے سال کے جشن کی بھرپور تیاریاں

آج کا اخبار
اہم خبریں
30 دسمبر ، 2018
اسلام آباد (حنیف خالد) بحریہ ٹائون اپنی روایت کے مطابق اِس سال بھی نئے سال کے جشن کی تقاریب کا اہتمام کر رہا ہے۔ اِن تقریبات کا انعقاد آئفل ٹاور بحریہ ٹائون لاہور اور گلوپارک راولپنڈی سمیت دیگر مقامات پر کیا جائیگا۔ سال 2019ء کی آمد کے سلسلے میں منائی جانے والی اس تقریب کیلئے زبردست آتش بازی کا اہتمام کیا جا رہا ہے۔ بحریہ ٹائون راولپنڈی میں دبئی میں گلو گارڈن کی طرز پر بنایا گیا پاکستان کا پہلا گلو پارک بحریہ ٹائون کے رہائشیوں اور گردو نواح کے لوگوں کیلئے ایک دلچسپ تفریحی مقام ہو گا جو راولپنڈی اسلام آباد کے لوگوں کیلئے سیاحت کا بہترین مرکز بنے گا۔ سال نو کی آمد پر بحریہ ٹائون کے رہائشیوں اور دیگر علاقوں سے عوام کی بھرپور شرکت متوقع ہے جس کیلئے خصوصی انتظامات کئے جا رہے ہیں۔ بحریہ ٹائون ایک پرائیویٹ رئیل اسٹیٹ پراجیکٹ ہے جو ہر سال اپنی روایات کو جاری رکھتے ہوئے ایسی تقریبات اور سنگ میل کو قائم رکھتاہے۔
تازہ ترین