آپ آف لائن ہیں
جنگ ای پیپر
ہفتہ19؍رمضان المبارک 1440 ھ25؍مئی 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کوئٹہ کے مغوی نیورو سرجن ڈاکٹر ابراہیم خلیل کی عدم بازیابی پر ان کے اہل خانہ شدید پریشانی کاشکار ہیں اور ان کی اہلیہ نے عدم بازیابی کی صورت میں بچوں کے ہمراہ وزیراعلیٰ ہاؤس کےسامنے خودسوزی کا اعلان کر دیا ہے۔

مغوی نیوروسرجن ڈاکٹرابراہیم خلیل کی اہلیہ نے میڈیا کو بتایا کہ ایک ماہ سےزائد عرصہ کے باوجود ان کے شوہر کو بازیاب نہیں کرایا جاسکا، ان کی عدم بازیابی پر انہیں شدید تشویش ہے۔

ان کی اہلیہ کا کہناتھا کہ ہمیں ڈاکٹرصاحب کی زندگی کےبارے میں تشویش لاحق ہوگئی ہے، صوبائی وزیرداخلہ ایک بار ان کے گھر آئے،اس کے علاوہ کسی حکومتی عہدیدار نے ان سے رابطہ نہیں کیا۔

ڈاکٹرابراہیم خلیل کی اہلیہ نے الزام عائد کیا کہ ان کے شوہر کی بازیابی کے لئے کچھ نہیں کیا جا رہا، تسلی تو دور کی بات ہے حکومتی عہدیدار ہمارے فون بھی نہیں اٹھاتے، ہمارے صبر کاپیمانہ لبریز ہوگیا ہے۔

انہوں نے دھمکی دی کہ اگر ان کےشوہر کو جلد بازیاب نہ کرایا گیا تو وہ اپنے بچوں کے ساتھ وزیراعلیٰ ہاؤس کے سامنے خودکشی کرلیں گی۔

Chatاپنی رائے سے آگاہ کریں