سکھر......قائد حزب اختلاف خورشید شاہ نے کہا ہے کہ پنجاب میں کرپشن نہیں تو چیخیں کیوں نکل رہی ہیں ، ن لیگ کی اتنی بڑی دُم ہے کہ ہر شخص کا پاؤں اس پر آجاتا ہے۔ ایم کیو ایم سے متعلق خورشید شاہ کا کہنا تھا کہ ایم کیو ایم اسٹیبلشمنٹ کی پرانی پیاری بے بی ہے۔
سکھر میں میڈیا سے گفتگو میں خورشید شاہ نے دعویٰ کیا کہ پنجاب میں نیب کو دھمکی دی گئی ہے، اب اگر نیب پنجاب میں نہیں جاتی اور چھوٹے صوبوں میں کارروائی کرتی ہے تو متنازع ہوجائے گی۔
خورشید شاہ کا کہنا تھا کہ مصطفیٰ کمال نئے چہرے کے ساتھ آئے ہیں، اس کا ایم کیو ایم پر اثر پڑے گا، ان کے پیچھے مضبوط گروہ اور متحدہ کی اور بھی شخصیات ہوں گی، ایم کیو ایم اسٹیبلشمنٹ کی پیاری بے بی ہے۔
خورشید شاہ نے واضح کیا کہ وہ وزیراعظم سے ٹاکرا نہیں چاہتے، میاں صاحب کی عزت کرتے ہیں، کچھ سوال ہیں جو وہ ان کے سامنے رکھیں گے اورامید کرتے ہیں کہ وزیراعظم ایمانداری سے جواب دیں گے۔
فرمان الہی
نماز کے اوقات
