فرمان الہی
نماز کے اوقات
کراچی (اسٹاف رپورٹر) پاکستان سپر لیگ میں ملتان سلطانز نے ان فٹ آسٹریلین کرکٹراسٹیو اسمتھ کی جگہ ویسٹ انڈیز کے آندرے رسل کی خدمات حاصل کی ہیں۔جبکہ جوئے ڈینلی کی جگہ جیمز ونس کو لیا ہے، ویسٹ انڈین آل راؤنڈر ڈیوائن براوو نے کوئٹہ گلیڈی ایٹرزکو تاخیر سے 27 فروری کو جوائن کرنا ہے۔ جمعرات کو پی ایس ایل میں کھلاڑیوں کا ری ڈرافٹ ہوا۔ پشاور زلمی نے افغان کرکٹر وقار سلمان خیل کی جگہ ویسٹ انڈین بیٹسمین آندرے فلیچر کو منتخب کیا ۔لاہور قلندرز نے ہارڈس ولجوئین اور ڈیوڈ ویز کو لیا ہے جو اے بی ڈی ویلیئرز، کارلوس بریتھ ویٹ اور کورے اینڈرسن کی رخصتی کے بعد دستیاب ہوں گے۔ لاہور قلندرز نے مڈل آرڈر بیٹسمین سعد علی کا انتخاب کیا۔
