لاہور: کار نالے میں گر گئی، نوجوان جاں بحق

لاہور کے ایک نکاسی آب کے نالے میں کار جا گری، حادثے کے نتیجے میں نوجوان جاں بحق ہوگیا۔

ریسکیو ذرائع کے مطابق تیز رفتار ی کے باعث قابو کھو جانے کی وجہ سے کار لاہور کے روہی نالے میں گر گئی، حادثے میں نوجوان جاں بحق جبکہ 3 افراد زخمی ہوگئے۔

ریسکیو ذرائع کا مزید کہنا ہے کہ حادثے میں جاں بحق ہونے والے نوجوان کی شناخت اویس کے نام سے ہوئی ہے،جس کی لاش اور زخمیوں کو اسپتال منتقل کر دیا گیا ہے۔