• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

اخبار فروش یونین ملتان کے انتخابات 16فروری کو ہوں گے، شیڈول جاری

میرا شہر
ملتان
28 جنوری ، 2019
ملتان(پ ر) چیئرمین الیکشن بورڈ اخبار فروش یونین مولانا ظفر علی خان ،وائس چیئرمین نثاراحمد خان ،جنرل سیکرٹری ناصر حسین قریشی، ممبر رانا اقبال نون، طارق اترا نے مشترکہ پریس کانفرنس سے خطاب کرتے ہوئے کہا کہ اخبار فروش یونین کے انتخابات 16فروری بروز ہفتہ گلدین کالونی میں کرائے جائیں گے، شیڈول کا اعلان کرتے ہوئے ان کا مزید کہنا تھا کہ30جنوری بروز بدھ کو کاغذات نامزدگی دوپہر3بجے تا شام 5بجے تک وصول کئے جائیں گے،31جنوری کو کاغذات کی جانچ پڑتال کی جائے گی، یکم فروری کو شام5بجے تک کاغذات واپس لئے جا سکیں گے، اسی روز اعتراضات نمٹائے جائیں گے۔ 2فروری بروز ہفتہ کو حتمی فہرست اور انتخابی نشانات جاری کئے جائیں گے۔ انتخابات سے ایک روز قبل امیدواران اورالیکشن بورڈ کے مابین ایک خصوصی اجلاس ہوگا جس میں انتخابات سے متعلق اہم اُمور زیر غور آئیں گے۔ الیکشن بورڈ ضابطہ اخلاق کی مکمل پاسداری کرانے کا پابند ہوگا۔
تازہ ترین