سکھر(بیورو رپورٹ) سکھر میں اجتماعی شادی کی تقریب میں30 جوڑے رشتہ ازدواج میں منسلک ہوگئے۔سماجی تنظیم کے زیر اہتمام اجتماعی شادی کی تقریب لب مہران پارک میں منعقد کی گئی ، تقریب کے مہمان خصوصی قومی اسمبلی میں قائد حزب اختلاف سید خورشید احمد شاہ تھے،جنہوں نے نو بہیاتا جوڑوں کے سر پر شفقت بھرا ہاتھ پھیرااور نیک تمناؤں کا اظہار کیا۔مخیر حضرات کے تعاون سے سماجی تنظیم نی تمام دلہنوں کو جہیز میں فرنیچر اور گھریلو سامان بھی دیا۔اس موقع پر دلہنوں اوران کے والدین کی خوشی بھی دیدنی تھی۔سماجی رہنما شائستہ کھوسو کا کہنا تھا کہ اجتماعی شادیوں کی تقریبات سے جہاں دلی خوشی ملتی ہے وہیں اللہ تعالیٰ کی رضابھی حاصل ہوتی ہے،تقریب میں بچوں اور بچیوں کی جانب سے سندھی روایتی گیتوں پر رقص بھی پیش کیا گیا ۔غریب گھرانوں کی لڑکیوں کیلئے اجتماعی شادی کی تقریب خوش آئند عمل ہے اگر اس کا ر خیر میں دیگر مخیر حضرات بھی دل کھول کر حصہ لیں تو مزید کئی لڑکیاں پیا گھر سدھارسکتی ہیں۔
فرمان الہی
نماز کے اوقات
