برطانیہ میں آج سال کی سردترین رات ہونے کی پیش گوئی

محکمہ موسمیات کی جانب سے برطانیہ میں آج سال کی سردترین رات ہونے کی پیش گوئی کی گئی ہے۔

برطانوی میڈیاکےمطابق اسکاٹ لینڈکےبعض پہاڑی علاقوں میں درجہ حرارت منفی 16 تک گرنے کاامکان ہے،جبکہ انگلینڈ کےجنوب میں واقع وسطی علاقوں کا درجہ حرارت منفی 10 تک گر سکتاہے۔

ذرائع موسمیات کے مطابق اتوار اور پیر کو برطانیہ میں بارش کی پیش گوئی کی گئی ہے، جبکہ پیر کواسکاٹ لینڈمیں درجہ حرارت منفی 6 جبکہ انگلینڈکےشمالی علاقوں میں صورتحال نسبتابہترہوجائے گی اور درجہ حرارت 3 ڈگری سینٹی گریڈ ہوجائے گا۔