کراچی(اسٹاف رپورٹر) پاکستانی مینز ٹیم نے ناقابل شکست رہتے ہوئے ورلڈ ٹیبل ٹینس چیمپئن شپ ڈویژن فور میں ٹوگو کو شکست دےکر 73 ویں پوزیشن حاصل کر لی۔ کوالالمپور میں ڈویژن فور میں 73 ویں پوزیشن کے میچ میں پاکستانی ٹیم نے شاندار کھیل کی بدولت ٹوگو کو 3-2 سے زیر کر کے کامیابی اپنے نام کی۔ قومی ٹیم ڈویژن فور میں ناقابل شکست رہی، پہلے سنگل مقابلے میں ٹوگو کے پلیئر نے پاکستان کے سجاد علی فیصل کو زیر کر کے اپنی ٹیم کو برتری دلائی، دوسرے سنگل مقابلے میں پاکستان کے عاصم قریشی نے حریف پلیئر کو ہرا کر مقابلہ برابر کر دیا، تیسرے سنگل مقابلے میں پاکستان کے شجاعت علی سید نے حریف ٹوگو پلیئر کو ہرا کر ٹیم کی برتری 2-1 کر دی، اگلے سنگل مقابلے میں ٹوگو کے پلیئر نے عاصم کو ہرا کر ایک مرتبہ پھر مقابلہ برابر کر دیا، پانچویں اور فیصلہ کن میچ میں سجاد علی فیصل نے ٹوگو کے پلیئر کو ہرا کر ٹیم کو 3-2 سے کامیابی دلائی۔
فرمان الہی
نماز کے اوقات
