کراچی( اسٹاف رپورٹر) آغا خان یونیورسٹی نے اے کے یو انٹرکالجیٹ/یونیورسٹی گرلز باسکٹ بال ٹورنامنٹ کے افتتاحی میچ میں بحریہ یونیورسٹی میڈیکل اینڈ ڈینٹل کالج کو شکست دیدی۔ اے کے یو جمنازیم پر کھیلی جانے والی گرلز باسکٹ بال چیمپئن شپ کے میچ میں اے کے یو نے باآسانی35-15 پوائنٹس کے مارجن سے کامیابی اپنے نام کی۔ فاتح ٹیم کی جانب سے امن صدیقی نے عمدہ کھیل کا مظاہرہ کر تے ہوئے 12 ، لو بینہ احسان نے 11 اور سنیہ شوکت نے 6 پوائنٹس بنا ئے جبکہ مخالف ٹیم بحریہ یونیورسٹی کی طو بہ جاوید اپنی ٹیم کی جانب 13 پوائنٹس کے ہمراہ ٹاپ اسکورر رہیں۔ آمنہ جاوید نے 2 پوائنٹس بنائے۔ قبل ازیں مہمان خصوصی ڈاکٹر کلثوم غیاث نے ٹورنامنٹ کا افتتاح کیا۔ اس موقع پر ریاض اکبر کنٹریکٹر، یعقوب قادری، ذیشان ہاشمی، امین لاکھانی بھی موجود تھے۔
فرمان الہی
نماز کے اوقات
