سانحہ ساہیوال کا ریکارڈ بدلا تو افسر جیل میں ہونگے، لاہور ہائیکورٹ

آج کا اخبار

اہم خبریں

05 فروری ، 2019

لاہور ( نمائندہ جنگ) لاہور ہائیکورٹ نے ساہیوال واقعہ کی تحقیقات کیلئے جوڈیشل کمیشن بنانے کے معاملے پر وفاقی حکومت سے جواب طلب کر لیا۔ ساہیوال واقعہ کی تحقیقات کے بارے میں جے آئی ٹی کے سربراہ نے ابتدائی رپورٹ ہائیکورٹ میں پیش کی توعدالت نے ریمارکس دیئے کہ اگر کسی نے ریکارڈ بدلا تو افسر جیل میں ہونگے۔ چیف جسٹس لاہور ہائیکورٹ جسٹس سردار شمیم احمد خان کی سربراہی میں دو رکنی بنچ نے ساہیوال واقعہ کی جے آئی ٹی کی تشکیل کیخلاف اور جوڈیشل کمیشن بنانے کیلئے ایک جیسی درخواستوں پر سماعت کی تو جے آئی ٹی کے سربراہ ڈی آئی جی اعجاز شاہ پیش ہوئے۔ جوڈیشل کمیشن کی تشکیل کے دلائل پر چیف جسٹس لاہور ہائیکورٹ نے وکیل کو باور کرایا کہ اب قانون تبدیل ہوچکا ہے،جوڈیشل کمیشن تشکیل دینا وفاقی حکومت کا کام ہے اور وہی مجاز فورم ہے، عدالت یہ کمیشن تشکیل نہیں دے سکتی۔ جے آئی ٹی کے سربراہ اعجاز شاہ نے واقعہ کی تحقیقات کے بارے میں رپورٹ عدالت میں پیش کی اور بتایا کہ تمام دستیاب ثبوت اکٹھے کرلیے ہیں صرف مدعی تعاون نہیں کررہے ہیں۔

تازہ ترین