شریف برادران کی سیاست قطری سے شروع ہوکر پتھری پر ختم،شیخ رشید

آج کا اخبار

اہم خبریں

09 فروری ، 2019

اسلام آباد(جنگ نیوز) وزیر ریلوے شیخ رشید نے شہباز شریف کو پبلک اکاؤنٹس کمیٹی کی چیئرمین شپ سے ہٹانے کے لیے 8دن کی ڈیڈ لائن دیتے ہوئے کہا ہےکہ شریف برادران کی سیاست قطری سے شروع ہوکر پتھری پر ختم ہوتی ہے، اسپیکر کا کوئی اختیار نہیں کہ مجھے پبلک اکاؤنٹس کمیٹی کا رکن نہ بنائے،عمران کےپاس ڈیل ہے نہ ڈھیل ۔اسلام آباد میں میڈیا سے گفتگو کرتے ہوئے شیخ رشید نے کہا کہ شہباز شریف پی اے سی میں کسی قیمت پر قبول نہیں، چاہے دنیا ادھرکی ادھر ہو جائے۔انہوں نے کہا کہ انتظار ہے کہ اگلے ہفتے شہبازشریف سےمتعلق عدالت کیا فیصلہ کرتی ہے، یہ تو پکنک پر آئے ہوئے ہیں، انٹرویو دے رہے ہیں اور مزے کررہے ہیں، یہ بارگین کررہے ہیں لیکن بارگین نہیں ہوگی، گزشتہ روز ملاقات میں اندازہ کرلیا کہ عمران خان کے پاس نہ ڈیل ہے نہ ڈھیل ہے۔وزیر ریلوے کا کہنا تھا کہ وزیراعظم کی طرف سے میں پبلک اکاونٹس کمیٹی کا رکن ہوں، اسپیکر کا کوئی اختیار نہیں کہ مجھے پبلک اکاؤنٹس کمیٹی کا رکن نہ بنائے۔

تازہ ترین