• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

راولپنڈی پولیس میں تقرر و تبادلے ، تینوں ڈویژنل ایس پی تبدیل

میرا شہر
اسلام آباد
19 فروری ، 2019
راولپنڈی (سٹاف رپورٹر) راولپنڈی پولیس میں بڑے پیمانے پر تقرر و تبادلے کردئیے گئے ۔ تینوں ڈویژنل ایس پیز ،ایس ایس پی انوسٹی گیشن اوردوایس ڈی پی اوتبدیل کردئیے گئے ۔کیپٹن (ر)دوست محمدکوایڈیشنل ایس پی پوٹھوہارڈویژن راولپنڈی ،ان کے پیش روجاوید انور کو ایس پی سی آئی اے فیصل آباد تعینات کر دیا گیا ۔ایس ڈی پی او سول لائنز سرکل عثمان طارق بٹ ترقی ملنے پر ایس پی راول ڈویژن ، مظہراقبال کو ایڈیشنل ایس پی صدرسرکل راولپنڈی ،ان کے پیش رو محمدطاہرمقصودکوایڈیشنل ایس پی ہیڈکوارٹرزگوجرانوالہ ،اے ایس پی ایڈمن راولپنڈی عنبرین علی کو ترقی ملنے پر ایس پی انٹرنل اکاؤنٹیبلٹی راولپنڈی ریجن ،ان کے پیش روایس پی انٹرنل اکاونٹیبلٹی راولپنڈی ریجن محمد فیصل ایس ایس پی انوسٹی گیشن راولپنڈی ،تعینات کردیاگیا۔ ڈی ایس پی پنجاب ہائی وے پٹرولنگ سردار بابر ممتاز کوایس ڈی پی او کینٹ سرکل ، ایس ڈی پی او کینٹ محمد ایاز ترقی ملنے پر ایڈیشنل ایس پی رحیم یار خان اورڈی ایس پی وی وی آئی پی تھری صفدر اقبال کو ایس ڈی پی او سول لائنز سرکل راولپنڈی تعینات کردیاگیا۔مظہر اقبال گریڈ اٹھارہ میں ترقی ملنے پر ایس پی صدر سرکل راولپنڈی تعینات کر دیئے گئے۔
تازہ ترین