فرمان الہی
نماز کے اوقات
دبئی (نمائندہ خصوصی) پاکستان سپر لیگ میں شرکت کرنےوالی ملتان سلطانز کی ٹیم اپنے کھلاڑی آندرے رسل کی خدمات سے محروم ہوگئی ہے۔ آندرے رسل کو ویسٹ انڈین کرکٹ ٹیم میں شامل کیا گیاہے۔ انگلینڈ کی سیریز میں منتخب ہونے کی وجہ سے وہ پی ایس ایل میں مزید شرکت نہیں کرسکیں گے۔ ناکامیوں سے دوچار ملتان سلطانز کی ٹیم نئی مشکل میں پھنس گئی ہے اور سلو اوور ریٹ کے سبب ان پر جرمانہ عائد کردیا گیا ہے ۔ اتوار کو شارجہ کرکٹ اسٹیڈیم میں کھیلے گئے میچ میں پشاور زلمی کے خلاف ملتان سلطانز کی ٹیم مقررہ وقت میں دو اوورز پیچھے رہی۔ ملتان سلطانز کی ٹیم لیگ کے ضابطہ اخلاق کی مرتکب قرار پائی جس پر میچ ریفری روشن مہاناما نے ان پر جرمانہ عائد کردیا گیا ہے۔ ملتان سلطانز کی ٹیم کے تمام اراکین پر 10 فیصد اور کپتان شعیب ملک پر میچ فیس کا 20فیصد جرمانہ عائد کیا گیا ہے۔
