کورنگی کراچی کی فیکٹری میں لگی آگ بجھا دی گئی

کراچی کے علاقے کورنگی کے سو کوارٹرز میں واقع گتے کی فیکٹری میں آگ لگ گئی جس پر چند گھنٹوں کی جدوجہد کے بعد قابو پالیا گیا۔

آگ بجھانے کے عمل میں فائر بریگیڈ کی 4 گاڑیوں نے حصہ لیا۔

فائر بریگیڈ حکام کے مطابق آگ کی اطلاع ملنے پر ابتدائی طور پر فائر بریگیڈ کی 2 گاڑیاں روانہ کی گئیں جبکہ آگ کی شدت کو دیکھتے ہوئے مزید 2 گاڑیاں آگ بجھانے کے لیے بھیجی گئیں۔

فیکٹری کے گودام میں پلاسٹک اور گتا موجود تھا جس کی وجہ سے آگ بجھانے میں وقت لگا۔

فائر بریگیڈ حکام کا مزید کہنا ہے کہ کولنگ کا عمل جاری ہے،جبکہ فوری طور پر آگ لگنے کی وجہ معلوم نہیں ہو سکی ہے۔