مشال قتل کیس کے 2 ملزمان کو عمر قید، 2 بری

پشاور کی انسدادِ دہشت گردی کی عدالت نے مشال خان قتل کیس کے 4 ملزمان کا فیصلہ سنادیا، عدالت نے 2 ملزمان کو عمر قید کی سزا سنائی ہے جبکہ 2 ملزمان کو بری کر دیا۔

پشاور کی انسداد دہشت گردی کی عدالت نے فیصلہ سناتے ہوئے مشال قتل کیس کے 2 ملزمان عارف خان اور اسد کاٹلنگ کو عمر قید کی سزا سنائی ہے، اس کیس میں دو ملزمان بری کردیے گئے ہیں۔

مشال قتل کیس، نامزد 4ملزمان کیخلاف فیصلہ21 مارچ تک موخر

پشاور(نیوزرپورٹر) انسداد دہشت گردی عدالت نے...

پشاور کی انسداد دہشت گردی کی عدالت نے 12 مارچ کو مشال خان قتل کیس کا فیصلہ محفوظ کیا تھا۔

کیس کی سماعت کے دوران مقتول مشال خان کے والد اور 46 گواہوں کے بیانات ریکارڈ کیے گئے۔

صوابی سے تعلق رکھنے والے 25 سالہ مشال خان کو 13 اپریل 2017ء کو مردان کی عبدالولی خان یونیورسٹی میں طلباء اور یونیورسٹی کے کچھ ملازمین پر مشتمل ایک مشتعل ہجوم نے توہینِ رسالت کے الزامات لگانے کے بعد تشدد کا نشانہ بنا کر قتل کر دیا تھا۔