حکومت نے سات ماہ میں ہر روز قرضہ لیا، فضل الرحمان

جمعیت علمائے اسلام ف کے سربراہ مولانا فضل الرحمان نےکہا کہ موجودہ حکومت نے اپنے سات ماہ میں ہر روز قرضہ لیا ہے، اب تک پندرہ ہزار ارب روپے کے قرضے لیے گئے، کیا بنے گا اس ملک کا، ہم دیوالیہ پن کے کنارے کھڑے ہیں۔

مولانا فضل الرحمان نے شمالی وزیرستان میں جلسہ عام میں شرکا کی طرف اشارہ کرتےہوئے کہاکہ پاکستان کے عوام کا یہ ہجوم اسلام آباد میں عوامی فیصلہ کرائیگا۔

انہوں نے کہا کہ ایک سال میں تین بجٹ اس لئے پیش کیے گئے کہ حکومت ٹیکس جمع نہیں کر سکی۔

فضل الرحمان نے کہا کہ مہنگائی 200 فیصد ہوچکی ہے حکومت جو قرضہ لے رہی ہے،اتنا بڑا قرضہ آنے والے بچے کیسے ادا کریں گے۔