• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

خان صاحب بتائیں کیا وہ نیب کے ترجمان ہیں، مریم اورنگزیب

آج کا اخبار
ملک بھر سے
31 مارچ ، 2019
لاہور(نمائندہ جنگ) پاکستان مسلم لیگ (ن) کی ترجمان مریم اورنگزیب نے وزیراعظم عمران خان کی تقریر پر ردعمل دیتے ہوئے کہا ہے کہ آپکو علیمہ باجی اور جہانگیر ترین نے پلی بارگین اور این آر او کی عادت ڈال دی ہے،اسی لئے آپ سب میں پلی بارگین اور این آر او بانٹ رہے ہیں،عمران خان صاحب !آپ وزیراعظم ہیں یاچیئرمین نیب و نیب کے ترجمان ہیں؟ مریم اورنگزیب نے کہا کہ اب آپ کنٹینر پر نہیں وزیراعظم ہیں ، قوم کو بتائیں کہ 9ماہ میں آپ کی حکومت 3ہزار ارب روپے سے زائد قرض لے چکی ہے، مہنگائی 8اعشاریہ 5فیصد سے بھی اوپر جا چکی ہے، آپ اپوزیشن پر تنقید اس لئے کررہے ہیں کیونکہ پٹرول 12 روپے مزید مہنگا کرنا ہے، آپ اپنی تقریر میں 9ماہ کے دوران اپنی حکومت کی ایک بھی کارکردگی نہیں بتاسکے۔
تازہ ترین