آپ آف لائن ہیں
جنگ ای پیپر
منگل19؍ذیقعد 1440ھ 23؍جولائی 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن


پاک بحریہ کے سربراہ ایڈمرل ظفر محمود عباسی نے چین کا دورہ کیا اور چینی بحریہ کی 70 سالہ تقریبات میں شرکت کی۔

ترجمان پاک بحریہ کے مطابق دورے کے دوران پاک بحریہ کے سربراہ ایڈمرل ظفر محمود عباسی نے چین کی معزز شخصیات اور قومی دفاع کے وزیر وے فنگ سے بھی ملاقاتیں کیں۔

نیول چیف نے چینی بحریہ کی 70 سالہ سال تقریبات کے سلسلے میں منعقدہ انٹرنیشنل فلیٹ رِویو کا معائنہ بھی کیا۔

ترجمان پاک بحریہ کا کہنا ہے کہ چین کے قومی د فاع کے وزیر سے ملاقات کے دوران باہمی دلچسپی کے پیشہ وارانہ اُمور پر تبادلہ خیال کیا گیا۔

نیول چیف ایڈمرل ظفر محمود عباسی نے کثیر الملکی بحری مشق امن 19 میں چین کی شرکت پر چین کے قومی دفاع کے وزیر کا شکریہ ادا کیا اور کہا کہ پاکستان ’پاک چین‘ روایتی دوستی کو قدر کی نگاہ سے دیکھتاہے۔

اس کے علاوہ نیول چیف اور چین کے قومی دفاع کے وزیر نے سی پیک کو خطے کےلیے گیم چینجر قرار دیا۔

ترجمان پاک بحریہ کے مطابق سربراہ پاک بحریہ کا یہ دورہ دونوں ممالک کی بحری افواج کے مابین تعلقات میں مضبوطی اور استحکام کا باعث ہوگا۔

Chatاپنی رائے سے آگاہ کریں