فرمان الہی
نماز کے اوقات
سکھر (بیورو رپورٹ) سکھر میں خواتین سے پرس ودیگر سامان چھیننے والا گروہ سرگرم، نامعلوم چور چیمبر آف کامرس کے عہدیدار کے اہل خانہ سے پرس چھین کر فرار ہوگئے۔ خواتین سے لوٹ مار اور رہزنی بالخصوص پرس چھیننے کے بڑھتے ہوئے واقعات پر شہریوں میں تشویش کی لہر دوڑ گئی ہے۔ تھانہ بی سیکشن کی حدود میں چیمبر آف کامرس کے عہدیدار ملک محمد یعقوب کے اہل خانہ سے 2نامعلوم ملزمان نے پرس چھین لیا اور فرار ہوگئے، پرس میں نقدی، 2قیمتی موبائل فونز سمیت دیگر اشیاء تھیں ۔، اس سے قبل بھی ڈی ایس آفس کے نزدیک مسلح ملزمان نے رکشہ کو روک کر رکشے میں سوار خاتون سے پرس، موبائل فون، نقد رقم و دیگر سامان چھین لیا تھا اور فرار ہوگئے تھے، اس کے ملزمان بھی تاحال گرفتار نہیں ہوسکے ہیں۔ شہر میں اچانک اسٹریٹ کرائم، رہزنی، لوٹ مار کی بڑھتی ہوئی وارداتوں نے شہریوں و تاجروں میں تشویش کی لہر دوڑا دی ہے۔
