فرمان الہی
نماز کے اوقات
آئی سی سی کرکٹ ورلڈ کپ 2019ء کے تیسرے میچ میں سری لنکا نے نیوزی لینڈ کو میچ جیتنے کے لئے 137 رنز کا ہدف دیا ہے۔
صوفیہ گارڈنز کارڈف میں کھیلے جارہے ورلڈ کپ کے تیسرے میچ میں نیوزی لینڈ کیخلاف سری لنکا کی بیٹنگ لائن ابتداء ہی سے مشکلات کا شکار رہی۔ میچ کی دوسری ہی بال پر تھریمانے 4 رنز بنا کر پویلین لوٹ گئے۔
ہینری کی جانب سے میچ کی دوسری بال پر ایل بی ڈبلیو کی پر زور اپیل پر کین ولیمسن نے رویو لیا جو ان کے حق میں صحیح ثابت ہوا اور یوں 4 کے مجموعی اسکور پر سری لنکا کا پہلانقصان اٹھانا پڑا۔
ون ڈاؤن پوزیشن پر بیٹنگ کے لیے آنے والے پریرا نے کچھ جارحانہ اسٹروکس کھیلے تاہم وہ زیادہ دیر وکٹ پر نہ رک سکے اور 24 بالز پر 29 رنز بنا کر ہینری کا دوسرا شکار بنے۔
سری لنکا کے تیسرے آؤٹ ہونے والے کھلاڑی مینڈس تھے جو بغیر کوئی رن بنائے پویلین لوٹ گئے انہیں بھی ہینری نے ہی پویلین کی راہ دکھائی۔
میچ کے گیارہویں اوور میں جب سری لنکا کا اسکور 53 رنز ہوا تو اس کی چوتھی وکٹ ڈی ایم ڈی سلوا 4 رنز بنا کر فراگوسن کا شکار بنے۔
سری لنکا کی چھٹی وکٹ مینڈس کی تھی وہ میچ کے 15 ویں اوور میں ایک رن بنا کر اس وقت آؤٹ ہوئے جب ٹیم کا مجموعی اسکور 60 رنز تھا۔
اس کے بعد ساتویں آؤٹ ہونے والے کھلاڑی پریرا تھے جنہوں نے کرونارتنے کے ساتھ مل کر 52 رنز کی شراکت قائم کی، وہ 27 رنز بنا کر سینٹنر کا شکار بنے۔
اُدانا بغیر کھاتہ کھولے پویلین لوٹے جبکہ لکمل نے 7 اور ملنگا نے صرف ایک رن بنایا۔
نیوزی لینڈ کی طرف سے ہینری اور فرگوسن نے تین، تین جبکہ ٹرینٹ بولٹ، گرینڈہوم، نیشام اور سینٹنر نے ایک، ایک وکٹ لی۔
اس سے قبل صوفیہ گارڈنز کارڈف میں کھیلے جارہے میچ میں نیوزی لینڈ کے کپتان کین ولیمسن نے ٹاس جیت کر پہلے فیلڈنگ کا فیصلہ کیا۔
ورلڈکپ 2019 کے تیسرے روز آج 2 میچز کھیلے جارہے ہیں، دن کے پہلے اور ایونٹ کے تیسرے میچ میں نیوزی لینڈ اور سری لنکا کی ٹیمیں آمنے سامنے ہیں۔
میچ میں کیوی قائد کین ولیمسن نے ٹاس جیت کر سری لنکا کو پہلے بیٹنگ کی دعوت دی ہے۔
ٹاس جیتنے کے بعد نیوزی لینڈ کے کپتان کین ویلم سن نے کہا کہ وکٹ پر ہلکی گھاس موجود ہے، پہلے بولنگ کرکے اس کا فائدہ اٹھانا چاہتے ہیں۔
دوسری جانب سری لنکن کپتان دیموتھ کرونا رتنے نے کہا کہ اگر ہم ٹاس جیتتے تو پہلے بولنگ ہی کرتے۔
ان کا کہنا تھا کہ کارکردگی کے ریکارڈ کو بہتر بناکر ورلڈکپ میں خود کو منوانا چاہتے ہیں۔
ایونٹ کا چوتھا اور دن کا دوسرا میچ ڈے اینڈ نائٹ ہوگا، یہ میچ کاؤنٹی گراؤنڈ برسٹول میں ہوگا جس میں افغانستان اور آسٹریلیا کی ٹیمیں آمنے سامنے ہوں گی۔
یہ میچ پاکستان کے مقامی وقت کے مطابق شام 5:30 بجے شروع ہوگا۔
واضح رہے کہ ورلڈ کپ کے ابتدائی 2 میچز میں میزبان انگلینڈ اور ویسٹ انڈیز فتح یاب ہوئے ہیں، جبکہ ساؤتھ افریقا اور پاکستان کو شکست کا منہ دیکھنا پڑا ہے۔
