• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بینظیر بھٹو نے جمہوریت کیلئے جان قربان کی، حسن بخاری

آج کا اخبار
یورپ سے
24 جون ، 2019
برمنگھم (ابرار مغل) پیپلز پارٹی برطانیہ ورکرز ایکشن کمیٹی کے زیراہتمام شہید محترمہ بے نظیر بھٹو کی سالگرہ کی مناسبت سے کیک کاٹا گیا۔ اس موقع پر سابق مرکزی صدر پی پی پی برطانیہ سید حسن بخاری، سیکرٹری جنرل ایکشن کمیٹی اشفاق راجہ، شفقت ببلی، چوہدری محمد حنیف، حاجی محمد بشیر آرائیں، سید صغیر حسین شاہ، خواجہ ذوالفقار احمد سمیت کثیر تعداد نے سالگرہ تقریب میں شرکت کی۔ ان رہنمائوں کا کہنا تھا کہ شہید رانی محترمہ بے نظیر بھٹو نے اپنے عظیم باپ کے نقش قدم پر چلتے ہوئے پاکستان میں جمہوریت کے لیے اپنی جان پیش کرکے ایسی سیاسی تاریخ رقم کی جس کی پوری دنیا میں نظیر نہیں ملتی ہے۔ آمری ٹولے اور جمہوریت کے دشمنوں نے بے نظیر بھٹو کو راستے سے ہٹا تو دیا لیکن کارکنوں اور جیالوں کے دلوں میں قیامت تک زندہ رہے گی رہنمائوں نے پاکستان میں یکطرفہ احتساب اور حالیہ بجٹ میں مہنگائی پر گہری تشویش کا اظہار کیا اور قائدین سے مکمل اظہار یکجہتی کیا گیا۔
تازہ ترین