فرمان الہی
نماز کے اوقات
اسلام آباد( پرویز شوکت)چیئرمین پیپلز پارٹی بلاول بھٹو زرداری نے شادی کیلئے ہاں کردی ہے جس کے بعد سابق صدر آصف زرداری نے سیاست سے ریٹائرمنٹ لینے کا فیصلہ کرلیا ہے۔پارلیمنٹ ہاؤس میں صحافیوں سے گفتگو کرتے ہوئے سابق صدر آصف علی زرداری نے کہا کہ بلاول شادی کیلئے مان گیا ہے۔ اب لڑکی ڈھونڈنی ہے ، بلاول کے پاس وقت نہیں ہے اس لئے لڑکی ڈھونڈنے کا کام ہمیں ہی کرنا پڑے گا۔سابق صدر آصف علی زرداری نے بلاول بھٹو کے سیاسی محاذ سنبھالنے کے بعد اپنی سیاست سے ریٹائرمنٹ کے فیصلے سے بھی صحافیوں کو آگاہ کیا۔ انہوں نے کہا کہ بلاول نے سیاسی محاذ مکمل طور پر سنبھال لیا ہے میں تو اب آرام کرنا اور اپنی زمین پر بیٹھنا چاہتا ہوں اب یہ عمر پوتے پوتیوں کے ساتھ کھیلنے کی ہے۔صحافی نے ان سے سوال کیا کہ چیئرمین سینیٹ کون بن رہاہے تو انہوں نے ازراہ تفنن کہا کہ میں بنوں گا۔
