• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

راولپنڈی کے مختلف علاقوں سے 8لڑکیوں سمیت 11افراداغواء

میرا شہر
اسلام آباد
03 جولائی ، 2019
راولپنڈی (سٹاف رپورٹر)راولپنڈی کے مختلف علاقوں سے دومردوں اورآٹھ لڑکیوں سمیت 11 افرادکو اغوا کرلیاگیا۔تھانہ صادق آباد کو راجہ طاہر محمود نے بتایا کہ اس کی بیٹی(م)یونیورسٹی گئی گھر واپس نہ آئی اسے کسی نے اغواکرلیا۔تھانہ صادق آبادکو وجاہت علی نے بتایاکہ زبیر 4 نامعلوم افراد کو لے کر آیا جو سب مسلح ہتھوڑا ، آہنی راڈ اور سریا تھے جنہوں نے میرے سر پر ، چھاتی پر اور بازو کندھے پر ضربات لگائیں وہ لوگ مجھے گاڑی میں ڈال کر لے گئے بابر وغیرہ نے مجھے چھڑایا ۔ تھانہ صادق آبادکوپروین نے بتایاکہ اس کی بہن (الف ) کو مالک مکان کے بیٹے افان کیانی نے اغواء کر لیا ۔تھانہ نصیرآبادکوخدیجہ بیگم نے بتایا کہ اس کی بھانجی(ص) عمر22سال اغواء ہوگئی۔تھانہ واہ کینٹ کو سیدقیصر عباس نے بتایا کہ م اس کابھتیجے سیدمحسن علی کاظمی کو 4نامعلوم اشخاص نے اغواء کرلیااور حاجی کیمپ پشاورلے جاکر چھوڑدیا ۔تھانہ واہ کینٹ کو احمد رضا نے بتایا کہ اس کی18سالہ بہن(ث) کو غالب،مرادعلی اورساجد نے اغواء کرلیا۔تھانہ گوجرخان کو خالد محمود نے بتایا کہ اسے شبہ ہے کہ اس کی بیٹی (ن) عمر17سال کو عدیل ورغلا پھسلا کر اغواء کر کے لے گیا اور ممتاز احمد سلیم نے میری بیٹی کو چھپا کر رکھا ہوا ہے۔ میری بیٹی گھر سے جا تے ہو ئے زیورات بھی لے گئی ہے ۔تھانہ جاتلی کو محمد ابرار نے بتایا کہ میری بیوی کو محرم شہزاد نےورغلا پھسلا کر اغواء کر لیا ۔تھانہ صدربیرونی کو خالد زمان نے بتایا کہ میری بیوی کو فاروق نےاغواء کر لیا جو رقم اور زیورات بھی ساتھ لے گئی۔ میری بیوی اور بچے کے اغواء میں ملزم فاروق کا والد بھی ملوث ہے ۔تھانہ روات کو محمد فریدنے بتایاکہ مجھے شبہ ہے کہ شبیر احمد میری ہمشیرہ کو اغوا کر کے لے گیا ہے ، وہ کمیٹی کی رقم ڈیڑھ لاکھ روپے اور میری والدہ کا سونا تقریباً3تو لے بھی ساتھ لے گئی۔
تازہ ترین