باکسر عامر خان اور مینی پیکیو فائٹ پر متفق

برٹش پاکستانی باکسر عامر خان نے کہا ہے کہ فلپائن کے باکسر مینی پیکیو اور ان کے درمیان سعودی عرب میں فائٹ پر اتفاق ہوگیا ہے۔

عامر خان نے برطانوی میڈیا کو بتایا کہ مینی پیکیو اور ان کی فائٹ 8 نومبر کو ریاض میں ہوگی۔

عامر خان 13جولائی کو جدہ میں آسٹریلین باکسر بِلی ڈِب کو شکست دے چکے ہیں۔

مینی پیکیو ہفتے کو لاس ویگاس میں امریکن باکسر کیتھ تھرمین سے مقابلہ کریں گے۔

عامر خان کا کہنا ہے کہ اگر مینی پیکیو کیتھ تھرمین سے ہار بھی گئے تب بھی میری اور مینی پیکیو کی فائٹ ہوگی۔