فرمان الہی
نماز کے اوقات
کوئٹہ میں دوستی کرکے موٹرسائیکل ہتھیانے اورقتل کرنے والے گروہ کا انکشاف ہوا ہے،ملزمان کی نشاندہی پر میاں غنڈی کے کنوئیں سے اب تک 5لاشیں برآمد ہوچکی ہیں۔
پولیس کے مطابق کوئٹہ کے سریاب سے 4 افراد پر مشتمل ایک گروہ پکڑا گیا ہے جو مختلف نوجوانوں سے دوستی کرکے ان کو پکنک کے بہانے میاں غنڈی لے جاتا اور ان کی موٹر سائیکل چھین کرانہیں قتل کرتا اور لاشیں کنوئیں میں پھینک دیتا تھا۔
پولیس نے گرفتار ملزمان کی نشاندہی پر اتوار کو میاں غنڈی کے کنوئیں سے محمد بلال نامی نوجوان کی لاش برآمد کی جو ایک سال قبل قمبرانی روڈ سے لاپتا ہو ا تھا۔
ملزمان نے اس کی بھی موٹرسائیکل ہتھیانے کے بعد اسے قتل کیا ، لاش کنوئیں میں پھینک دی ،اس کنوئیں سے پہلے بھی چار لاشیں برآمد ہوچکی ہیں۔
