• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

نواز شریف چوہدری شوگر مل کیس میں بھی شاملِ تفتیش

تازہ ترین
قومی خبریں
02 اگست ، 2019
نواز شریف چوہدری شوگر مل کیس میں بھی شاملِ تفتیش

قومی احتساب بیورو (نیب) نے چوہدری شوگر مل کیس میں سابق وزیرِ اعظم میاں نواز شریف سے بھی تفتیش کرنے کا فیصلہ کر لیا۔

نیب نے احتساب عدالت اسلام آباد سے اس کیس میں نوازشریف سے تفتیش کی اجازت مانگی ہے۔

نیب کی جانب سے احتساب عدالت میں دائر کی گئی درخواست میں مؤقف اپنایا گیا ہے کہ نواز شریف سے جیل میں تفتیش کی اجازت دی جائے۔

اس پر عدالت نے یہ کہہ کر کہ لاہورکے کیس اس عدالت کے دائرہ اختیار میں نہیں آتے، نیب کی درخواست واپس کر دی ہے۔

اس سے قبل نیب نے سابق وزیر اعظم میاں نواز شریف اور مسلم لیگ نون کے صدر میاں شہباز شریف کے بھتیجے یوسف عباس شریف کو اسی کیس میں تفتیش کے لیے طلب کیا تھا۔

تازہ ترین