فرمان الہی
نماز کے اوقات
بھارتی باکسر نیرج گویت نےٹیبل پرمہلک ہتھیار سجا کربرطانوی نژاد پاکستانی باکسر عامرخان کوچیلنج دیا جس کا عامر خان نے بھی کرارا جواب دے دیا۔
سماجی رابطے کی ویب سائٹ ٹوئٹر پر بھارتی باکسر نیرج نے ایک تصویر پوسٹ کی جس میں وہ اسلحے سے سجی ٹیبل کے سامنے بیٹھے ہیں ۔
تصویر کے ساتھ پیغام میں لکھا کہ’ میں اب صحت یاب ہوں اور رنگ میں شکست دینے کےلیے تیار ہوں۔‘
عامر خان نے بھی بھارتی باکسر نیراج گویت کو بھر پور جواب دیا ، عامر خان نے اپنے ٹوئٹ میں مسکراتے ہوئے کہا کہ بے شمار اسلحے سے بھی تم مجھے شکست نہیں دے سکتے ، انہیں ہرانے کیلئے مزید کچھ اور کرنا ہوگا ۔
خیال رہے کہ جدہ میں عامر خان سے بھارتی باکسر نیراج گویاٹ نے حال ہی میں مقابلہ کرنا تھا تاہم کار حادثے میں زخمی ہونے کی وجہ سے نیرج اس مقابلے سے دستبردار ہوگئے تھےاور فائٹ منسوخ ہوگئی تھی ۔
بھارتی باکسر کے فائٹ سے علیحدہ ہونے کے بعد آسٹریلوی باکسر نے عامر خان کے خلاف مقابلے کا فیصلہ کیا تھا۔ جس میں عامر خان نے آسٹریلوی باکسر بلی ڈب کو ناک آؤٹ کرتے ہوئے ورلڈ باکسنگ کونسل (ڈبلیو بی سی) ویلٹر ویٹچیمپئن بن گئے تھے ۔
