• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

2روزہ جشن آزادی ثقافتی میلہ آج اور کل ملتان آرٹس کونسل میں ہوگا

میرا شہر
ملتان
08 اگست ، 2019
ملتان (سٹاف رپورٹر) پنجاب انسٹیٹیوٹ آف لینگویج ،آرٹ اینڈ کلچر محکمہ اطلاعات وثقافت حکومت پنجاب کے زیراہتمام2روزہ جشن آزادی ثقافتی میلہ8اور 9اگست کو ملتان آرٹس کونسل میں ہوگا، پلاک کی ڈائریکٹرجنرل ، نامور شاعرہ ،دانشوراورکالم نگار ڈاکٹر صغری صدف میلے کی میزبانی کے لئے ملتان آ رہی ہیں،تقریبات کا آغازصبح 10 بجے ہوگا اس موقع پرامن کے فروغ میں زبان و ادب اور ثقافت کے کردار کے حوالے سے محفل مذاکرہ ہوگی جس میں نامور دانشور شریک ہوں گے،میلے میں تھیٹر، پتلی تماشااور شاعری کی نشست بھی ہوگی،دریں اثناءڈاکٹر صغری صدف جمعرات کی شام ساڑھے7 بجے ملتان آرٹس کونسل کی ادبی بیٹھک میں منعقد ہونےوالے ” سلام پاکستان مشاعرے“ میں بھی شرکت کریں گی،اس موقع پر نامور شعراءاپنا کلام پیش کریں گے،جمعے کے روز جشن آزادی میلے کی تقریبات اختتام پذیرہوجائیں گی۔
تازہ ترین