• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

آصف زرداری اور بلاول سے حریت رہنمائوں کی ملاقات

آج کا اخبار
اہم خبریں
10 اگست ، 2019
اسلام آباد(این این آئی)سابق صدر آصف زرداری اور چیئرمین بلاول بھٹو زرداری سے آل پاکستان حریت کانفرنس کے رہنماؤں نے ملاقات کی۔چیئرمین پاکستان پیپلزپارٹی بلاول بھٹو زرداری نے نماز عید مظفرآباد، آزاد کشمیر میں ادا کرنے کا فیصلہ کیا ہے ۔ ذرائع کے مطابق چیئرمین بلاول بھٹو زرداری نے آل پاکستان حریت کانفرنس کے رہنماؤں سے ملاقات کے دوران فیصلہ کیا۔ آل پاکستان حریت کانفرنس کے کنوینر سید فیض نقشبندی اور سید عبداللہ گیلانی کی سربراہی میں ملاقات کرنے والے وفد میںمحمود احمد ساغر، فاروق رحمانی، یوسف نسیم اور حسن البنا ،پرویز احمد شاہ، عبدالمجیدمیر، شمیم شال، رفیق ڈار اور مرتضی درانی بھی شامل تھے ۔آل پاکستان حریت کانفرنس کے رہنماؤں نے پی پی لیڈرشپ کو کشمیر کی صورت حال سے آگاہ کیا۔آصف زر داری نے کہاکہ شہید ذوالفقار علی بھٹو نے کشمیر کیلئے ہزارسال تک لڑنے کا اعلان کیا تھا۔انہوںنے کہاکہ اقوام متحدہ بھارت کو اپنی قراردادوں پر عمل درآمد کا پابند کرے۔انہوںنے کہاکہ کشمیریوں کی پاکستان سے وفا ہمارے لئے فخر کی بات ہے۔انہوںنے کہاکہ کشمیریوں کی وفا کا بدلہ ہر پاکستانی وفا نبھا کر دے گا۔
تازہ ترین