آپ آف لائن ہیں
جنگ ای پیپر
منگل17؍محرم الحرام 1441ھ 17؍ستمبر 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

آزادی کشمیر کی خاطر ہر قدم پر حکومت کا ساتھ دینگے،جماعت اسلامی

اسلام آ باد ( نیو زرپورٹر) سیکرٹری جنرل جماعت اسلامی پاکستان امیر العظیم نے اپنے ایک بیان میں کہاہے کہ جماعت اسلامی پاکستان کے ایک اعلیٰ سطحی اجلاس میں طے کیا گیاہے کہ جماعت اسلامی پاکستا ن آزادی کشمیر کی خاطر حکومت کے ہر قدم میں اس کے ساتھ کھڑی رہے گی ۔ اس نازک موقع پر کسی بھی قسم کے سیاسی اختلافات کے بجائے کشمیریوں کی جان ، مال ، عزت و آبرو اور ان کی آزادی کا تحفظ ہی قابل ترجیح ہونا چاہیے ۔ وزیراعظم پاکستان کی طرف سے وزیر خارجہ کی سربراہی میں قائم شدہ کمیٹی میں امیر جماعت اسلامی سینیٹر سراج الحق کی شمولیت کی دعوت پر ان کاشکریہ ادا کرتے ہوئے کہا گیاہے کہ جماعت اسلامی واضح کرتی ہے کہ یہ حکومت کے مختلف سرکاری مناصب پر مشتمل ایک حکومتی کمیٹی ہے جس کی اپنی جگہ ایک ضرورت بھی ہے اس کمیٹی کی سرکاری حیثیت کو برقرار رہنا چاہیے ، لہٰذا جماعت اسلامی اس کمیٹی میں شرکت کے بجائے سینیٹ اور پارلیمنٹ کی کشمیر کمیٹیوں میں شریک ہو کر اپنا بھر پور کردار ادا کرتی رہے گی ۔ جماعت اسلامی وزیر خارجہ کی حکومتی کمیٹی کی طرف سے مسئلہ کشمیر کے حل کی خاطر اٹھائے جانے والے اقدامات کی بھر پور تائید و حمایت کرے گی ۔

اسلام آباد سے مزید