پیٹرولیم مصنوعات کی قیمتوں میں کمی کی سفارش وزارت کو ارسال

اوگرا نے یکم ستمبر سے پیٹرولیم مصنوعات کی قیمتوں میں کمی کی سفارش پیٹرولیم ڈویژن کو ارسال کردی ہے۔

ذرائع کے مطابق ارسال کی گئی سمری میں پیٹرول فی لیٹر قیمت میں 5 روپے، ڈیزل کی فی لیٹر قیمت میں 7 روپے 50 پیسے، مٹی کے تیل کی قیمت میں ساڑھے 4 روپے اور لائٹ ڈیزل آئل کی قیمت میں 5 روپے 50 پیسے فی لیٹر کمی کی تجویز دی گئی ہے۔

واضح رہے کہ پیٹرولیم مصنوعات کی قیمتوں کا حتمی فیصلہ وزارت خزانہ وزیراعظم کی مشاورت سے کرے گی۔