فرمان الہی
نماز کے اوقات
اسلام آباد،سیالکوٹ (نمائندہ خصوصی ،آئی این پی) وزیراعظم کی معاون خصوصی اطلاعات فردوس عاشق اعوان نے کہا ہے کہ کشمیر پر اسلامی تعاون تنظیم ( او آئی سی) کا بیان پاکستان کے اصولی موقف کی جیت اور بھارت کی ہار ہے، مقبوضہ وادی میں بھارت انسانی حقوق کی خلاف ورزی کررہا ہے، وزیراعظم عمران خان کشمیر کا مقدمہ لڑرہے ہیں،حق اور سچ پر کھڑی قوم کو کوئی ظلم، جبر اور بندوق شکست نہیں دے سکتی، اپنے ٹویٹ میں معاون خصوصی نے کہاکہ او آئی سی کا مظلوم کشمیریوں کے حق میں ایک بار پھر آواز بلند کرنے کا
خیرمقدم کرتے ہیں،او آئی سی نے عالمی ضمیر کو باور کرایا ہے کہ کرفیو اٹھایا جائے اور مسئلہ کشمیر کا حل اقوام متحدہ کی قراردادوں کے مطابق ہی ممکن ہے۔آئی این پی کے مطابق سیالکوٹ میں تقریب سے خطاب کرتے ہوئے فردوس عاشق اعوان نے کہا کہ مظلوم کشمیریوں کو یرغمال بنانے والا مودی طاقت، جبر اور غرور میں ہے،۔
