• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ڈپٹی کمشنر اور سی پی او کا ملتان جلالپور،شجاع آباد میںامام بارگاہوں کا دورہ

میرا شہر
ملتان
05 ستمبر ، 2019
ملتان،شجاع آباد،جلال پورپیروالا ( سٹاف رپورٹر، نامہ نگاران) ڈپٹی کمشنر عامر خٹک نے سی پی اومحمد زبیر دریشک کے ہمراہ رات گئے شاہ گردیز کا دورہ بھی کیا اور محرم کے حوالے سے روٹ کا معائنہ کیا ۔ڈپٹی کمشنر نے شاہ گردیز میں ڈرین کو کور نہ کرنے پر برہمی کا اظہار کیا اور چیف آفیسر میونسپل کارپوریشن کوہدایت کی کہ 24 گھنٹے کے اندر ڈرین پر تعمیراتی کام مکمل کیا جائے۔ڈپٹی کمشنر اور سی پی او نے جلالپور پیروالا کا دورہ کیا اورممبر قومی اسمبلی رانا قاسم نون اور ایم پی اے قاسم خان لنگاہ کے ہمراہ عزاداری کے جلوسوں کے روٹس کا معائنہ کیا۔ رانا قاسم نون کے ہمراہ ڈپٹی کمشنر اور سی پی او نے سیلاب کی صورتحال کا جائزہ لینے کیلئے کوٹلہ چاکر خان کا بھی دورہ کیا۔بعد ازاں انہوں نے شجاع آباد کا بھی دورہ کیا۔ جنرل منیجر آپریشن میپکو انجینئر ناصررشید نے گزشتہ روز ملتان کینٹ اور شہر کے مختلف مقامات پر قائم امام بارگاہوں اور جلوسوں کے روٹس کا جائزہ لینے کے لئے دورہ کیا۔دریں اثناایس پی پنجاب ہائی وے پیٹرول ملتان ریجن ،رانا محمد معصوم نے محرم ڈیوٹی اور سکیورٹی کے سلسلے میں ریجن بھر کے ڈی ایس پیز سے میٹنگ کی ۔اس میٹنگ میں موبائل ایجوکیشن یونٹ ٹیم کے انچارج اور جے پی اور رمضان سعیدی نے بھی شرکت کی۔
تازہ ترین