ملتان (نمائندہ جنگ)سینئرسیاستدان جاوید ہاشمی نے کہا ہے کہ مشرف وطن واپس آئےتو مقابلے میں الیکشن لڑوں گا اورانکی ضمانت ضبط نہ کرائی تو قوم سے معافی مانگ لوں گا، نئے چیئرمین نیب احتساب نہیں نوکری کرنیوالےہیں،ایم کیو ایم کو صفائی کا موقع ملنا چاہئے ، مشرف نے (ق ) لیگ بنانے کے لئے نیب بنائی جس نے آج تک کسی کا احتساب نہیں کیاتمام سیاسی جماعتوں کی مشاورت سے نیب قوانین میں ترامیم کی جائیں جرنیلوں ،سیاستدانوں سب کااحتساب ہو۔ان خیالات کا اظہارانہوں نے گزشتہ روزاپنی رہائش گاہ پر پریس کانفر نس میں کیا۔انہوں نے کہا کہ سیاستدانوں کو اب سنجیدگی اختیار کرنی چاہئے،اب کبھی مارشل لاء نہیں لگے گا،ہمارے سیاستدانوں اور جرنیلوں نے کبھی آئین پر عمل نہیں کیاشہید بھٹو نے 73ء کا آئین بنا یا لیکن اگلے ہی روز ایمرجنسی لگ گئی۔جنرل ضیاء نے بھی آئین کو لپیٹ دیااورآئین توڑنے والےہی پاکستان تڑوا بیٹھے انہوں نے کہا کہ سیاسی جماعتیں ایک دوسرے کو معاف کریں اور آگے کی طرف دیکھیں 2018کا الیکشن سامنے ہے۔
فرمان الہی
نماز کے اوقات
