قائد حزب اختلاف شہباز شریف نے مسلم لیگ نون کی مشترکہ پارلیمانی پارٹی کا اجلاس آج 4 بجے طلب کرلیا۔
پاکستان مسلم لیگ نون کی ترجمان مریم اورنگزیب نے کہا ہے کہ شہباز شریف نے ن لیگ کی مشترکہ پارلیمانی پارٹی کا اجلاس آج طلب کیا ہے ، اجلاس پارلیمنٹ ہاؤس میں سہہ پہر4 بجے کمیٹی روم نمبر2 میں ہوگا۔
مریم اورنگزیب نے بتایا کہ اجلاس میں سیاسی و معاشی صورتحال، کشمیر سے متعلق امور پر غور کیا جائے گا۔
مریم اورنگزیب نے کہا ہے کہ قومی اسمبلی کے اجلاس کے دوران پارٹی کی حکمت عملی بھی طے کی جائے گی، ملک میں بڑھتی مہنگائی، بےروزگاری اور امن و امان کی صورتحال پر بھی غور کیا جائے گا۔