آپ آف لائن ہیں
ہفتہ14؍شوال المکرم 1441ھ6؍جون 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

آزاد کشمیر کی سیاسی قیادت نے عمران خان کا فیصلہ تسلیم کرلیا

آزاد کشمیر کی سیاسی قیادت نے عمران خان کا فیصلہ تسلیم کرلیا


آزاد کشمیر کی سیاسی قیادت نے وزیراعظم عمران خان کے ایل او سی کی طرف فی الحال مارچ نہ کرنے کے فیصلے کو تسلیم کرلیا ہے۔

وزیراعظم آزاد کشمیر فاروق حیدر کی زیر صدارت آزاد کشمیر کی سیاسی جماعتوں کی ایکشن کمیٹی کا اجلاس ہوا۔

اجلاس میں مسلم لیگ ن، تحریک انصاف اور پیپلز پارٹی آزاد کشمیر کی قیادت نے شرکت کی۔

سیاسی جماعتوں کی ایکشن کمیٹی نے وزیر اعظم عمران خان کے اقوام متحدہ سے خطاب تک ایل او سی کی طرف مارچ نہ کرنے کے وزیراعظم پاکستان کے فیصلے کو تسلیم کرلیا۔

اعلامیے کے مطابق مقبوضہ کشمیر میں بھارتی مظالم کے خلاف شہر شہر مشترکہ پُرامن احتجاج کیا جائے گا۔

اعلامیے کے مطابق احتجاجی تحریک کو حتمی شکل دینے کے لیے وزیراطلاعات کی زیر نگرانی کمیٹی قائم کی گئی ہے۔

قومی خبریں سے مزید