آپ آف لائن ہیں
ہفتہ14؍شوال المکرم 1441ھ6؍جون 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

متاثرہ سعودی آئل تنصیبات سے سپلائی معطل

سعودی وزیر توانائی کا کہنا ہے کہ عبقیق اور خریص پلانٹ پر ڈرون حملے کے بعد سعودی آئل کمپنی کی متاثرہ تنصیبات سے تیل کی سپلائی عارضی طور پر معطل کر دی گئی ہے۔

پرنس عبدالعزیز بن سلمان کے مطابق معطلی سےسعودی عرب کی مجموعی تیل پیداوار آدھی رہ گئی ہے۔

تیل کمپنی آرامکو کا کہنا ہے کہ یومیہ 57 لاکھ بیرل خام تیل کی پیداوار معطل ہوئی ہے، جبکہ آئل تنصیبات کی بحالی کاکام جاری ہے آئندہ دو دن میں پیش رفت رپورٹ پیش کریں گے۔

اسٹینڈرڈزاینڈ پوورز (ایس اینڈ پی) کے مطابق خام تیل قیمتیں 70 ڈالر فی بیرل تک بڑھ سکتی ہیں،جبکہ جمعے کو ٹریڈنگ کےاختتام پر برینٹ خام تیل کی قیمت تقریباً 60 ڈالر فی بیرل تھی۔

ایس اینڈ پی کا کہنا ہے کہ مشرق وسطی کی پیچیدہ صورتحال کے سبب کوئی بھی تخریب کاری کا عمل کبھی بھی ہوسکتا ہے۔

واضح رہے کہ سعودی عرب کی ابقیق کمشنری میں واقع سعودی آرامکو کے زیر انتظام تیل کے دو پلانٹس پر ڈرون حملے کیے گئے تھےجس سے پلانٹس میں آگ لگ گئی تاہم بعد میں اس پر قابو پا لیا گیا۔

حوثی باغیوں نے اس حملے کی ذمہ دری قبول کرتے ہوئے کہا تھا کہ آئل تنصیبات پر 10 ڈرون فائر کیے گئے ہیں۔

بین الاقوامی خبریں سے مزید