راجن پور، سوتیلے باپ کا کمسن بیٹی سے زبردستی نکاح

16 ستمبر ، 2019

صوبہ پنجاب کے شہر راجن پور میں سوتیلے باپ نے اپنی کمسن بیٹی سے زبردستی نکاح کرلیا جبکہ ملزم کوگرفتار کر لیا گیا ہے۔

یہ بھی پڑھیں: راجن پور،لڑکی اغوا ،2افراد کی زیادتی ،ویڈیو بنالی

راجن پورتھانہ سٹی بسم اللّٰہ کالونی میں اشرف نامی شخص نے اپنی سوتیلی 14سالہ بیٹی حناء سے زبر دستی نکاح کر لیا، بیٹی انصاف کے لیے پولیس اسٹیشن پہنچ گئی ، حناء نے پولیس کواپنے بیان میں بتایا کہ میں چھوٹی تھی تب میری والدہ کو طلاق ہوئی اور ہم راجن پور آ گئے، میری والدہ نے اشرف سے شادی کر لی تھی۔

متاثرہ لڑکی نے بیان میں مزید بتایا کہ جب میں بڑی ہوئی تو اشرف نے میرے ساتھ زبر دستی نکاح کر لیا جسے میں ابو کہتی تھی، میرے سوتیلے باپ نے مجھے ڈرایا دھمکایا اور مجھے کہا کہ نکاح کی بات کسی کو نہیں بتانا ۔

حناء نے اپنے سوتیلے باپ پر الزام لگایا ہے کہ سوتیلا باپ زیادتی بھی کرتا رہا ہے۔