• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پولیس افسر اپنے علاقے میں کھلی کچہریوں کا انعقاد کریں:آرپی او ملتان

میرا شہر
ملتان
03 اکتوبر ، 2019
ملتان(سٹاف رپورٹر)آرپی او ملتان وسیم احمد خان کی طرف سے پولیس لائنز ملتان میں پولیس دربار کا انعقاد کیاگیا۔ آر پی او ملتان نے خطاب کرتے ہوئے کہا کہ کمیونٹی پالیسنگ کو فروغ دیں لوگوں کے ساتھ اچھے تعلقات قائم کریں۔محنت ،ایمانداری اور نیک نیتی کے ساتھ کام کریں۔ اپنے علاقے میں کھلی کچہریوں کا انعقاد کریں۔تمام ایس ڈی پی وز اور ایس ایچ اوز باقاعدگی کے ساتھ مساجد میں جائیں ۔لوگوں کے مسائل سنیں اور ان کے مسائل حل کریں۔لوگوں کے ساتھ رابطے میں رہیں۔ شہریوں کے ساتھ عزت کے ساتھ پیش آئیں ۔ غیر قانونی حراست ،تشدد اور اختیارات سے تجاوزسے گریز کریں کسی قسم کے نجی ٹارچر سیل کا تصور نہیں ہونا چاہئے جو شہریوں کے تھانے میں آنے پر ان کو سنیں اور ان کے مسائل حل کریں۔ بچوں کے متعلق کوئی وقوعہ سامنے آنے پر فوری ایکشن لیں اور مقدمہ درج کریں۔سٹی پولیس آفیسر ملتان محمد زبیر دریشک نے خطاب کرتے ہوئے کہا کہ پولیس کی کارکردگی کو بہتر کرنے کے لئے ہر ممکن اقدامات کئے جا رہے ہیں۔
تازہ ترین