• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ملتان سمیت میپکو ریجن میں طوفان بادوباراں نے تباہی مچا دی

میرا شہر
ملتان
07 اکتوبر ، 2019
ملتان (سٹاف رپورٹر)ملتان سمیت میپکو ریجن میں طوفان بادوباراں نے تباہی مچا دی ،میپکو کا ترسیلی وتقسیمی نظام بری طرح سے متاثر ہوا، فیڈرز کی لائنیں گرنے ، کھمبے ٹوٹنے اور تاریں ٹوٹنے سے 100 سے زائد فیڈرز سے بجلی کی فراہمی بند ہو گئی ، ہفتے کی شام ہونے والی موسلادھار بارش اور طوفانی ہواؤں کے بعد اتوار کی صبح بھی موسم ابر آلود رہا ،خوشگوار موسم ،ٹھنڈی ہواؤں کے ساتھ کہیں ہلکی اور کہیں تیز بارش سے معمولات زندگی معطل رہی،میپکو ریجن کے 9 سرکلز میں ہائی الرٹ افسروں اور ملازمین کی چھٹیاں منسوخ کر نے کے باوجود صورتحال بہتر نہ ہو سکی ، ٹرانسفارمرز جلنے اور خراب ہونے سے اور سیکڑوں میٹروں کے جلنے کے باعث صارفین کی بہت بڑی تعداد بجلی سے محروم رہی ، میپکو کے ملتان ، ڈیرہ غازی خان ،رحیم یار خان ،مظفر گڑھ سرکلز میں طوفان بادوباراں نے زیادہ تباہی مچائی ،ملتان میں 11 کے وی کے 15 جبکہ بہاول پور میں 25 فیڈرز 10 سے 12 گھنٹے بند رہے ۔
تازہ ترین