کراچی (جنگ نیوز)پاکستان تحریک انصاف کے مرکزی رہنما مخدوم شاہ محمود قریشی (ڈمی) اتوار کو ”جیونیوز“ کے پروگرام ”خبرناک“کی میزبانی کرتے ہوئے اپنے منفرد انداز سے شو کی رونق بڑھائیں گے۔ ”شغلیہ دربار میں سلیم اور انارکلی کی قربتوں کے رنگ میں بھنگ ڈالنے والا اکبر “ بھی ایک سیگمنٹ میں نظر آئے گا۔ عائشہ اور انارکلی کی نوک جھونک ، چوہدری کالو کی دعوتیں ،اُڑن کھٹولے کے مسافر اور بھینس چور اکبر کی عدالت میں حاضر ی بھی ناظرین اور حاضرین کو قہقہے لگانے پر مجبور کرے گی۔ اس کے علاوہ سدا بہار نغمہ اور ساجد بھائی کا چیلنج بھی پیش کیا جائے گا۔ مزاح ،مستی اور مسُکراہٹوں سے سجا ”خبرناک“ میرمحمد علی کی میزبانی میں رات11 بجکر5 منٹ پر نشر کیا جائے گا۔
فرمان الہی
نماز کے اوقات
