آپ آف لائن ہیں
جنگ ای پیپر
پیر21؍ صفر المظفر 1441ھ 21؍اکتوبر 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

کٹھ پتلی حکومت نے عوام کا معاشی قتل کردیا، بلاول بھٹو

چیئرمین پیپلز پارٹی بلاول بھٹو زرداری نے کہا ہے کہ کٹھ پتلی حکومت نے عوام کا معاشی قتل کردیا ہے، اس حکومت کو گھر بھیجنا ہے۔

لاڑکانہ میں پیپلز پارٹی کی ریلی سے خطاب


لاڑکانہ میں پیپلز پارٹی کی ریلی سے خطاب میں بلاول بھٹو زرداری نے کہا کہ سلیکٹڈ حکومت کراچی پر قبضہ کرنا چاہتی ہے، وفاق کو شہر قائد پر قبضہ نہیں کرنے دیں گے۔

انہوں نے کہاکہ کسانوں اور چھوٹے تاجروں کا معاشی قتل کیا جارہا ہے، عوام کو مہنگائی کے سونامی میں ڈبو دیا گیا ہے، اس کٹھ پتلی حکومت کو گھر بھیجنا ہوگا۔

پی پی چیئرمین نے مزید کہا کہ اس حکومت نے ایک سال میں لوگوں کو بے روزگار کردیا، اس حکومت نے 50 لاکھ گھر بنانے کا وعدہ کیا تھا۔

ان کا کہنا تھا کہ آپ کو میرا ساتھ دینا پڑے گا، جب بھی ملک میں کٹھ پتلی حکومت آتی ہے، وہ عوام کو خوش نہیں رکھ پاتی۔

بلاول بھٹو نے یہ بھی کہا کہ ذوالفقارعلی بھٹو نے بڑے زمینداروں سے زمینیں چھین کرغریبوں کو دیں۔

قومی خبریں سے مزید